Azərbaycan yığmasının voleybolçusu üçqat Macarıstan çempionu olub

Azərbaycan millisinin qadın voleybolçusu Ayşən Abduləzimova “Vaşaş” klubunun heyətində Macarıstan çempionu olub.

Haqlı.az-ın məlumatına görə, 29 yaşlı idmançının komandası finalda “Bekeşçaba”nı 5 oyunluq mübarizənin yekununda məğlubiyyətə uğratmağı bacarıb.

İlk 4 qarşılaşmada tərəflər hərəyə 2 dəfə qalib olmuşdularsa, həlledici görüşdə “Vaşaş” rəqibinə səfərdə heç bir şans verməyib – 3:0 (25:20, 25:17, 25:15).

Beləliklə, Abduləzimova “Vaşaş”ın heyətində üçüncü dəfə qızıl medala sahib olub. O, daha öncə Macarıstan Kubokunun ikiqat qalibi adını qazanmışdı.

BIR CAVAB BURAXIN

şərhinizi daxil edin!
Buraya adınızı daxil edin