Qarabağda keçiriləcək ilk beynəlxalq yarışa hansı ölkələrin gələcəyi bilindi

İşğaldan azad olunmuş Qarabağ ərazisində ilk beynəlxalq yarış keçiriləcək.

Haqlı.az-ın xəbərinə görə, Azərbaycan Kanoe və Avarçəkmə Federasiyasının Azərbaycan Respublikasının mərhum Prezidenti Heydər Əliyevin 99 illiyi münasibəti ilə keçirdiyi beynəlxalq turnir Tərtər rayonunun Suvoquşan kəndində və Mingəçevir şəhərində baş tutacaq.

“Prezident kuboku-2022” adlandırılan yarışda Azərbaycan idmançıları ilə yanaşı, Gürcüstan, Moldova, Türkiyə və Özbəkistan atletləri öz məharətini göstərməyə çalışacaq.

Mayın 5-də komandalar Mingəçevirin mərkəzi küçəsində rəsmi keçid edəcək. Növbəti gün Suqovuşanda kayak və kanoe üzrə, mayın 7-də isə Mingəçevirdə akademik avarçəkmə üzrə yarışlar keçiriləcək. Həmin günün sonunda “flyboard show” (su üzərində şou-proqram) və atəşfəşanlıq baş tutacaq.

BIR CAVAB BURAXIN

şərhinizi daxil edin!
Buraya adınızı daxil edin