Moldova ukraynalı qaçqınlar üçün miqrasiya rejimini asanlaşdırıb

Moldova ukraynalı qaçqınlar üçün miqrasiya rejimini asanlaşdırıb.

Haqlı.az xəbər verir ki, bu barədə Moldova hökumətinin mətbuat xidməti məlumat yayıb.

Belə ki, Ukraynadan olan qaçqınlar fövqəladə vəziyyətin başa çatmasından sonra daha 90 gün Moldova ərazisində qala biləcəklər. Bundan sonra onlar uzunmüddətli viza və ya sığınacaq üçün müraciət etməli olacaqlar.

Fevralın 24-dən bugünədək Ukraynadan 505 minə yaxın insan Moldovaya daxil olub. Onlardan 73 mindən çoxu ölkədə qalıb, qalanları isə Avropa ölkələrinə doğru hərəkət edib. Moldovada qaçqınlar üçün müvəqqəti düşərgələr təşkil edilib, burada onlar mənzil, yemək və ilkin tələbat malları ilə təmin olunublar.

Moldova parlamenti fevralın 24-də Ukraynadakı vəziyyətlə əlaqədar fövqəladə vəziyyət elan edib. İyunun 24-dən isə daha 45 gün uzadılıb.

BIR CAVAB BURAXIN

şərhinizi daxil edin!
Buraya adınızı daxil edin