Ağcabədidə 10 ədəd subartezian quyusu qazılır

Ağcabədi rayonunda bu il 10 ədəd subartezian quyusunun qazılması nəzərdə tutulub.

Bu barədə “Azərbaycan Meliorasiya və Su Təsərrüfatı” ASC-dən bildirilib.

Qeyd edilib ki, Ağcabədi Suvarma Sistemləri İdarəsi rayon ərazisində ümumilikdə 63 000 ha əkin sahəsinə xidmət edir: “Hər il olduğu kimi bu il də idarə tərəfindən meliorativ tədbirlər uğurla davam etdirilir: “Cari ildə 12 000 hektardan artıq pambıq sahəsində, 19 000 hektardan çox taxıl sahəsində və 6 322 ha digər kənd təsərrüfat bitkiləri əkilən sahədə və 25 630 ha yonca sahəsində suvarma işləri aparılıb”.

ASC-dən bildirilib ki, İdarənin balansında olan nasoslarla 13 000 ha, öz axımı ilə 23 290 ha, 26 710 ha əkin sahəsi isə artezianlarla suvarılıb.

“Ağcabədi rayonunda bu il 10 ədəd subartezian quyusunun qazılması nəzərdə tutulub ki, artıq bu işlərin də böyük bir hissəsi arxada qalıb. Bununla da əhalinin suvarma və içməli suya olan tələbatı ödənilib. Ağcabədi Suvarma Sistemləri İdarəsinin əsas fəaliyyəti idarənin balansında olan 2 261 km suvarma kanalı, 2 549 km kollektor drenaj şəbəkəsi, 4 445 ədəd hidrotexniki qurğu, 53 ədəd elektrik nasos stansiyası, 1 026 ədəd subartezian quyusu, 8 ədəd SNP markalı səyyar nasoslar, 2 ədəd üzən nasosların istismarı və təmirini təmin etməkdən ibarətdir.

Bundan başqa idarənin balansında olan nasos stansiyalarında da cari təmir işləri aparılıb. Belə ki, Salmanbəyli-9 nasos stansiyasında bir ədəd elektrik mühərriki və Xocavənd-1 nasos stansiyasında bir ədəd elektrik mühərriki təmir olunub. Qeyd edək ki, bu ilin əvvəlindən Ağcabədi Suvarma Sistemləri İdarəsi tərəfindən 470 min msuvarma kanalı və 401 min mkollektor drenaj şəbəkələri lildən təmizlənib. 103 ədəd subartezian quyuları cari təmir olunub. Görülən işlər nəticəsində su itkisinin qarşısı alınıb, torpaqların münbitliyi artıb”, – məlumatda deyilir .

BIR CAVAB BURAXIN

şərhinizi daxil edin!
Buraya adınızı daxil edin