Kəlbəcər və Laçın istiqamətində təxribat törədən erməni hərbçilər SAXLANILDI – RƏSMİ

857

Ermənistan silahlı qüvvələrinin döyüş aktivliyinin qarşısını almaq məqsədilə Kəlbəcər və Laçın istiqamətində yerləşən birlik və qüvvələr tərəfindən dərhal təxirəsalınmaz əməliyyat həyata keçirilib.

Haqlı.az xəbər verir ki, bu barədə Müdafiə Nazirliyi məlumat yayıb.

Məlumata görə, əvvəlcə qarşı tərəfin hərəkəti məhdudlaşdırılıb, onun qüvvə və vasitələrinə zərər vurulub. Görülmüş qəti tədbirlər nəticəsində erməni hərbçiləri tərksilah edilərək saxlanılıb, xeyli sayda müxtəlif çaplı silah və külli miqdarda sursat qənimət kimi ələ keçirilib.

Qeyd edək ki, noyabrın 16-sı saat 11:00 radələrində Ermənistan silahlı qüvvələri dövlət sərhədinin Kəlbəcər və Laçın rayonları istiqamətində genişmiqyaslı təxribat törədib. Hadisə nəticəsində Azərbaycan Ordusunun iki hərbi qulluqçusu yaralanıb.

BIR CAVAB BURAXIN

şərhinizi daxil edin!
Buraya adınızı daxil edin