“Qarabağ” darmadağınla liderliyini MÖHKƏMLƏNDİRDİ – VİDEO

Futbol üzrə Azərbaycan Premyer Liqasında XXII tura yekun vurulub.

KAİM.az xəbər verir ki, turun son matçında “Qarabağ” “Sumqayıt”ı qəbul edib.

Beş qolun vurulduğu oyunda ağdamlılar 4:1 hesablı qələbə qazanıblar.

Görüşdə hesabı ilk hissənin əsas vaxtına əlavə olunmuş 1-ci dəqiqədə meydan sahiblərinin yarımmüdafiəçisi Abdullah Zubir açıb.

İlk hissəni qolla qapayan Qurban Qurbanovun yetirmələri ikinci hissəsni də qolla açıblar. Bu dəfə qonaqların müdafiəçisi Cəmaləddin Xocaniyazov topu öz qapısından keçirib.

59-cu dəqiqədə Əli Qurbani hesab arasındakı fərqi mimimuma endirib. 71-ci dəqiqəda Zubir dubl edib. 7 dəqiqə sonra isə Filip Ozobiç oyunda son nöqtəni qoyub.

Bu qələbədən sonra xallarını 46-ya çatdıran “Qarabağ” zirvədə bir qədər də möhkəmlənib. Komandanı ikinci sıradakı “Neftçi”dən 3 xal ayırır. “Sumqayıt” isə 29 xalla 4-cü pillədə qalıb. / oxu.az

BIR CAVAB BURAXIN

şərhinizi daxil edin!
Buraya adınızı daxil edin