DİN Tərtərdə minaya düşərək həlak olan şəxs barəsində MƏLUMAT YAYDI-ƏTRAFLI

0
5

Dünən edilən xəbərdarlıqlara və inzibati cəza tədbirlərinə məhəl qoymayaraq Tərtər ərazisinə səfər edən və minaya düşərək həlak olan şəxs barəsində DİN məlumat yayıb.

Daxili İşlər Nazirliyinin Mətbuat Xidmətindən KAİM.az-a daxil olan məlumatı nəzərinizə çatdırırıq.

“Dəfələrlə edilən xəbərdarlıqlara baxmayaraq, təəsüflər olsun ki, bəzi şəxslərin nəzarət postlarından kənar yollarla işğaldan azad olunmuş ərazilərə keçməyə cəhd göstərmələri hallarına hələ də rast gəlinir.
Dünən Tərtər rayon sakini Bəxtiyar Mahmudov dumanlı hava şəraitindən istifadə edərək idarə etdiyi “Niva” markalı avtomobillə işğaldan azad olunmuş əraziyə keçməyə cəhd etmiş və bu zaman düşdüyü minanın partlaması nəticəsində ölmüşdür.

Qeyd edək ki, cari ilin yanvar və fevral ayları ərzində mərhum Bəxtiyar Mahmudov və qardaşı Şəhriyar iki dəfə işğaldan azad olunmuş ərazilərə keçdiklərinə görə polis əməkdaşları tərəfindən saxlanılmışlar. Hər iki halda onlar barəsində qanunvericiliyin tələblərinə uyğun inzibati cəza tədbirləri görülmüşdür. Belə ki, məhkəmənin qərarı ilə Şəhriyar inzibati qaydada həbs olunmuş, mərhum Bəxtiyar isə cərimə edilmişdir. Üçüncü dəfə, yəni fevralın 18-də Bəxtiyar Mahmudovun işğldan azad olunmuş əraziyə keçməyə cəhd göstərməsi özünün faciəsi ilə nəticələnmişdir.

Odur ki vətəndaşlarımızı bu kimi hallardan nəticə çıxartmağa, həyat və sağlamlıqlarını təhlükədə qoyaraq qanunsuz yollarla işğaldan azad edilmiş ərazilərə getməməyə, belə səfərlərdən çəkinməyə çağırırıq.

19 fevral 2021-ci il”

KAİM.az

BIR CAVAB BURAXIN

şərhinizi daxil edin!
Buraya adınızı daxil edin